La nuova gioventù by Pierpaolo Pasolini

autore:Pierpaolo Pasolini [Pasolini, Pierpaolo]
La lingua: ita
Format: epub
ISBN: 978-88-11-14538-7
editore: Garzanti
pubblicato: 2016-10-26T16:00:00+00:00

RISSÒT DI AMÒUR

«Chistu frut al à i spirs, puartànlu a binidì,

al à i spirs in tal còur lu jodarài murì!»

I spirs tal còur ch’al veva, so puora mari a mòur

di passiòn brassulànlu il so rissòt di amòur.

I spirs tal còur ch’al veva, il vuli al ghi lus

coma la biela stela a Cenciuti Colùs.

Co al à disivòt àins, «Ah mari, i vai soldàt,

l’Italia i la tradìs e par l’Austria i combàt.»

Co al à vinc’ àins al s-ciampa da l’Austria cu’l ciavàl,

traditòur in tai mons, lìbar in riva al mar.

Al s-ciampa via da l’Austria, al s-ciavassa il Friùl,

a Ciasarsa cu l’alba, a Verona cu’l scur;

cu’l prin sclarì dal dì al riva tal Piemònt,

e in Savoia al si piert co’l soreli al va a mont.

«Vescul di stu paìs, fèimi la caritàt,

judàit vu chistu zòvin pierdùt e disperàt.»

Il Vescul al ghi dà una mignestra e un jet

al zovinùt forèst tant galandìn e sclet:

tant galànt e sclet che il Vescul al ghi dis

s’al vòul restà a fà il nònsul tal dom dal so paìs.

E Cenci al li suna, sempri pì fuàrt e biel,

cu’l còur ch’al ghi vaìs, li ciampanis di Isèr!

Li ciampani’ al li suna li fiestis di Nadàl,

e co ven Pasca al nasa il prufùn dai pomàrs:

«Ah Vescul, lassàimi zì cu’l me distìn,

jo i no pos contentàivi, ch’i soj un cuntadìn.»

«Si cuntadìn ti sos, jo ciampagnis i’nd’ài,

ta li cuestis dai mons, dai fluns in tai rivaj.»

Co al è a sarpì li vis dolisiosa al lu jot

la Nevoda dal Vescul al ciant dal piot;

al lu vuarda sidina, e Cenci sidìn

al para via a sarpì in miès dal tramizìn.

Co al dà il colt in tal ciamp caprissiosa al lu jot

la Biela Fransesina sintada in ta un soc:

«Biel rissòt di amòur chi ti puartis chel biel sclop,

tu no ti ti brusis, e i ti às intor il fòuc!»

«Biela rissòt di amòur, garòful indoràt,

i to vuj son dos stelis, balànt mi àn inseàt.»

Co al sea il furmìnt, dolsa a ghi sta vissìn

la Nevoda dal Vescul cu la bossa dal vin:

ic, puareta, a tas, e lui cu’l so falsèt

al la lassa tazi, fis-ciànt coma un falchèt.

Co al è a vendemà sprota a ven uculì

la Biela Fransesina e a cianta dut il dì:

«Biel rissòt di amòur, se nobil ciaminà!

tra i ris e la bareta ti mi às fat inemorà!»

«Biela rissòt di amòur, se ch’i vorès mai fà!

menati in ciamaruta, la to vita a cunsumà!»

La Nevoda dal Vescul a cor via cu un sigòn

e denànt al so barba si met in zenoglòn.

«Barba, i soj firida, firida da l’amòur,

i cugnarai murì se Cenci a no’l mi vòul!»

«No, no, puora frutina, no sta pì suspirà,

in tal non dal Signòur Cenci al ti sposarà.»

La Nevoda dal Vescul a torna via ridìnt,

la Biela Fransesina ghi plans il cuorisìn.

La Nevoda dal Vescul a met il blanc vistìt,

la Biela Fransesina a passòn tra li vis.

La Nevoda dal Vescul legra ai piè da l’altàr,

la Biela Fransesina bessola tal rivàl.

La Nevoda dal Vescul cun Cenci a fa un dols sun,

la Biela Fransesina a si buta tal flun.

«O sisiluta biela

scaricare

Disconoscimento:
Questo sito non memorizza alcun file sul suo server. Abbiamo solo indice e link                                                  contenuto fornito da altri siti. Contatta i fornitori di contenuti per rimuovere eventuali contenuti di copyright e inviaci un'email. Cancelleremo immediatamente i collegamenti o il contenuto pertinenti.